مواقف طريفة فى حياتك(ادخل واحكيلنا على اى موقف اتفرست منة)

السلام عليكم ورحمة اللة وبركاتة
اكيد كل واحد مننا بتقابلة مواقف طريفة فى حياتة كتير فى البيت فى الكلية مع اصحابة مع جيرانة مع اخواتة .....ادخل بقى واحكيلنا على اى موقف مضحك قابلك او صدف وحصل مع حد تعرفة
وعلى العموم انا هابدا بموقف حصل لى مرة فى الكلية وانا نازلة مع زميلتى على السلم وما شاء زميلتى دى عندها اصحاب عدد شعر الراس وطول ما احنا نازليين على السلم او ماشيين فى الكلية توقفنا وتسلم عليهم ويا ريتنى اعرف منهم حد انا معرفش حد منهم .
المهم وانا نازلة على السلم وهى ورايا وانا قاعدة اكلم فيها وخلاص مقربيين على اخر دور وانا قاعدة اتكلم اتكلم على اساس انها ورايا وفجاة ولما ملقتش حد بيرد عليا ببص وراىا وبزعق لها:انتى مش بتردى عليا لية ,لقيت ولد ورايا وبيبصلى وفى عنية عبارة :هى مجنونة دى ولا اية .
والدكتورة اللى المفروض انها نازلة معايا لسة واقفة جنب الدرج بتسلم على زميلتها .

بزمتكوا وانا راضية زمتكوا ...مش حاجة تفرس وتفقع المرارة
يلة ادخل وادخلى و احكولنا على اى موقف حصل معاكوا.

السلام عليكم ورحمه الله وبركاته
اشكرك يا بيوتى سميل على الموضوع ده وهو فعلا حاجة تفقع المراره بس انا لو حكيت لك على اللى حصل هتقولى فعلا ياريت اللى حصل ماكان
كنت فى يوم راجعة من الامتحان انا واصدقاء اعزاء عليه جداااااااااااااااااااااااااااا وباعتبرهم زى اخواتى وكان امتحان سيوتيكال ولكى ان تتخيلى يعنى ايه امتحان سيوتيكال وبعدين ركبنا العربية على اساس ان احنا راجعين لبلدنا خلاص بعد يوم طويل شفوى ونظرى وبعد العربيه ما طلعت خلاص لقينا ظابط بيخبط للسواق وبيقول له يقف الصراحة انا حسبته ابراهيم نصر وبعدين هيقول لنا نصور ولا لا ؟
بس المشكله ان كانت العربيه فيها تجار مخدرات وكانت العربيه كمين لهم ولحسن الحظ كنا فيها
وكان يوم صعب جدااااااااااااااااااااااااااا انتهى بمغامرة بوليسية بس الحمد لله انه انتهى وفيه مواقف تانية كتيييييييييييييييره والله بس المشكله انى عندى مذاكرة كتيييييييييييييييييره وعايز كال اللى فى المنتدى وكل الامه العربيه والعالم يدعى لنا
شكرا
وياريت تقولوا لى رايكم فى الموقف ده

السلام عليكم ورحمة الله وبركاتة
اشكرك يا دكتورة على مشاركتك وربنا معاكى ويعزك ويوفقك يا رب ويحقق ليكى كل ما تتمنى باذنة تعالى .امين يا رب العالمين .

والله موقف جميل جدا جدا بتاع بيوتى وكمان بتاع ياريت الى حصل ما كان يا دكاترة
بس انا كمان حصلى حاجه بجد مضحكة وتدايق وانتوا متعرفونيش لما بدايق استر يارب
كان ف يوم عندى درس مش فاكر كان درس ايه و الله المهم كنت نازل متأخر على الدرس تقريبا 3دقايق
نزلت وبسرعة بجرى ومستعجل وفاجأه واحدة بنت حلال اوى ربنا يخدها بقى ممكن تكون ماتت اصلا
خلتنى بجرى بسرعة اوى وبووووووووووووووووووووووووووووووووووووووووى
ميه ميه ميه ميه ميه ميه ميه ميه على الملابس بقى و الله
مش عاوز اوصفلكم منظرى كان ازاى
بس الى انا فاكرة كان منظرى بجد زبالة
المهم ال انا عملتة انى اتنرفزت جدا جدا جدا
وروحت رايح على البيت وحلفت 3 بالله العظيم ما ناا رايح الدرس ده بقى النهاردة

والله ياسمسم موضوع زى العسل زيك وانا كمان هقول على موقف حصللى
الموقف ده كان يوم خطوبتى المهم الموقف اللى حصلى ده كان واحنا رايحين المكان اللى فيه الخطوبه لما وصلنا خطيبى نزل علشان ياخدنى من الباب التانى المهم جه وبيفتح الباب الباب حلف ميت يمين ماهو فاتح وكل الناس اللى كانت واقفه جات جربت تفتح الباب والباب مش راضى يفتح وانا جوه العربيه هموت من الضحك ومش عارفه ايه اللى بيحصل اللى غاظنى انا بئه ان الباب فتح عادى عند الكوافير وعند الاستوديو وجه عند المكان اللى فيه الخطوبه والناس كلها واقفه وما رضيش يتفتح بس بردو اتفتح يعنى بس بعد ايه
بالزمه مش موقف يضحك ويفرس ف نفس الوقت

السلام عليكم ورحمة الله وبركاته

اغلب اعضاء المنتدى فى امتحانات دلوقت ربنا معاهم ويوفقهم

الموقف طريف بس ما اتفرستش منه

قابلت 2 من اصحابى من ايام ثانوى الله يرحمها بقى

المهم بعد الضحك اتفقنا على تبادل ارقام الموبيلات

طبعا طلبوا رقم موبايلى وعشانى لسة مغيرة الخط معرفتش امليه لهم وضحكت

قلت

للاولى


طب قولى لى ارن عليكى قالت انا مش حافظة رقمى فردت التالتة وقالت خلاص رقمك معايا

على الموبايل

قلت الحمد لله المشكة اتحلت


لكن

قالت


بس انا موبايلى فى الدولاااااااااااااااااااااااااااااااب


ووقفنا احنا التلاتة نضحك زى الهبل